dedyhabebydedy
عدد المساهمات : 1 تاريخ التسجيل : 21/05/2010
| موضوع: رأيت العذراء مريم تدور حول تمثال السيد المسيح الجمعة مايو 21, 2010 9:29 am | |
| السلام عليكم ورحمة الله وبركاته انا والدتى عايشة فى السعودية وانا هنا فى مصر لارتباطى بالدراسة هذه حالتنا حلمت انى انا ووالدتى مسافرين السعودية بالسفينة وكنا جالسين فى مكان غريب موجود فيه تمثال كبير للسيد المسيح وكان فى ناس مسيحيين معانا على السفينة وكانو معجبين جدا بالتمثال ومنبهرين بيه ووالدتى بتقولى ايه المكان ده وايه التمثال ده مين اللى جابه هنا وفجأة ظهر نور شديد وظهرت منه ملامح السيدة العذراء مريم وهى كانت مرتدية ابيض فى ابيض وتمد يدها كما تظهر فى الصور المسيحية وكانت تدور حول تمثال السيد المسيح وهى مبتسمة وفجأة والدتى حاولت التحدث معها فقالت لها هو انتى مش معتقدة ان احنا ديننا هو اخر الاديان ومتممها ؟ ردت عليها السيدة مريم بصوت رقيق جدا وابتسامة هادئة وهى تنظر لنا كلنا أديان سماوية فسألتها والدتى مره اخرى انتو ليه بتعملو كده فأجابت بنفس الرد السابق كلنا اديان سماوية وكانت والدتى تلح عليها وهى ثابتة على ردها اننا كلنا اديان سماوية وكلنا نعبد الله وهو سيحاسبنا فسالتها والدتى طيب مين الصح مين رايح الجنة ومين رايح النار ؟ أجابتها السيدة مريم انتم رايحين النار رايحين لان محدش فيكم بيمشى زى ما كتابكم بيقول وانا جنب والدتى منبهرة من الحوار الذى يدور بينهم ومنبهرة من رؤيتى للسيدة العذراء ثم شعرت بخوف من كلامها فتركت امى وصعدت الى سطح السفينة فوجدت جارتنا المسيحية جالسة مع بعض من اصدقائها فجلست بجانبها وكنا فى الليل وانا فى داخلى خائفة وبقول فى نفسى يارب نوصل بقى احنا هنوصل امته وفى نفس اللحظة بنظر امامى فوجدت الحدود اخدت تظهرفتمنيت ان لا نصل قريبا لكى استمتع بالبحر وكنت اشعر انى تائهة جدا. ومن يوم ما شوفت الرؤية دى وانا متخوفة جدا يارب استفيد من حضرتك ياشيخ حسن فى تفسير رؤيتى ونصيحتى | |
|